MAGJIA E STORYTELLING

A mund të sillni ndër mend një kohë kur ishit të magjepsur nga një histori? A ju kujtohet si depërtonte deri në qelizat më të largëta teksa e dëgjonit t’jua tregonte dikush? Bëni një udhëtim imagjinar në kohë, zgjoni skutat dhe kujtoni edhe njëherë ato që dikur ju emocionin.

Na ishte njëherë e një kohë, jo dhe aq e largët sa kjo e sotmja, sepse historia që do t’ju tregoj tani sillet pa pushim në mendjen e gjithësecilit nga ne, cdo moment, cdo ditë. Na ishte një herë, në një vend të largët të quajtur Indi, një banor i zonës i cili jetonte i vetëm me dy qentë e tij, njëri prej të cilëve kishte një sjellje positive, ndërsa tjetri jo. Të dy qentë e kishin mërzitur aq shumë banorin e shkretë pasi nuk kishte moment që ata të dy të mos përlesheshin me njëri-tjetrin. I lodhur nga kjo situatë, banori u vu përpara një zgjedhjeje. Ai duhet të merrte një vendim. Por nuk kaloi shumë kohë dhe njeri nga qentë e tij, ngordhi. Cfarë mendoni ju se ishte veprimi që bëri banori për të arritur këtë? Thjesht ndaloi së ushqyeri qenin e tij të keq.

Ju sfidoj të merrni një vendim mbi zakonet tuaja. Të gjithë kemi zakone të mira dhe të keqija të cilat përcaktojne ndonjëherë edhe jetën tonë. Në mënyrë metaforike, ju them të ndaloni së ushqyeri ‘qenin’ tuaj të keq, pra zakonet tuaja të këqija. Ajo që duhet të bëni është të merrni vendime. 

Sa herë e keni kaluar naten duke pare nje film ose duke lexuar nje roman qe thjesht nuk keni dashur ta lini pa mbaruar? Sa here nuk keni harruar momentet nga leximi i nje artikulli qe ju beri papritur te mendoni, te arsyetoni, te ndryshoni. Sa here nje histori ju ka ndihmuar te ndryshoni mendimin tuaj mbi situaten, mbi njerezit, mbi problemet etj. E pra kjo eshte magjia e tregimit te historive ne jeten tone.

Nuk ka dyshim se historitë se bashku me mënyrën se si  tregohen mund të kenë një ndikim afatgjatë në mënyrën se si perceptojmë gjërat, mënyrën se si ndërrmarrim veprime dhe marrim vendime. Tregimi i historive është një mjet i fuqishëm ndryshimi e drejtimi dhe kur ato përdorën në mënyrën e duhur, ndikojnë fuqishëm në mendjen e të tjerëve, bindin, frymëzojnë dhe motivojnë njerëzit. Tregimi i historive ka fuqinë magjike të sjelli ndryshime pozitive në mënyrën se si njerëzit punojnë e mendojnë. Për më tepër, ai përmirëson aftësinë tonë për të mbajtur mend në mënyre efektive sasi të mëdha informacioni.

Historitë kanë qenë një formë parësore e komunikimit. Ato janë lidhjet e përjetshme me traditat e lashta, legjendat, arketipet, simbolet, mitet. Ato janë ura lidhëse me të vërtetat universale. Të tregosh një histori është art më vete që duhet te përsoset në mënyrë që të ketë rezultate të sakta e të shkëlqyera  për të ndikuar, frymëzuar dhe mobilizuar të tjerët. Të gjithë kemi parë udhëheqës kombesh, biznesesh, trajnerë që tregojnë histori ndersa komunikojne me te tjeret apo mbajne nje fjalim publik. Shumica e tyre janë të trajnuar ne artin elegant te tregimit, pasi ata perceptojne dhe e pranojne ate si nje nga metodat më të rendesishme për të frymezuar, motivuar dhe për t'u lidhur me audiencën e tyre.

Sot, në fushën e marketingut, shitjeve e reklamave, tregimi i historive bën mrekulli. Nëse doni të mësoni artin e storytelling në mënyre efektive, ju ftoj në NLP Albania që së bashku  të shijojmë udhëtimin e një historie, ndoshta të historisë së vetë jetës sonë, e cila ndoshta na tregon dicka, atë dicka që ne jemi te gatshëm ta degjojmë në menyrë që të ecim para e të ndryshojmë. Ju ftoj si lexues të këtyre rreshtave, të merrni prej tyre më të mirën dhe t’i ndani më tej edhe me të tjerë. Asnjëherë dhe kurrë nuk e dimë se jetën dhe historinë e kujt mund të ndryshojmë. 

Mos harroni se fuqia e historisë së jetës suaj jeni vetë JU!

NLP Albania

The art of change