DALLO NGA TË TJERËT DHE JI VETVETJA!
Ndërsa vazhdojmë udhëtimin e quajtur jetë, gjërat që ndodhin
rreth nesh kontribuojnë në ndryshimin tonë. Pyetja e të gjithëve është: Cfarë është
ajo që ndryshon njerëzit? Si të ndryshosh? Si të bëhesh i pasur? Si të jesh i
lumtur? Ka mijëra sygjerime atje jashtë dhe po ashtu me mijëra janë edhe njërëzit
që i mbështesin ato. Facebook, Instagram apo të tjera rrjete sociale janë tashmë
të tejmbushura me citime nga guru motivues e trajnerë të cilët duan të na
motivojnë për të jetuar një jetë më të mirë. Për fat të keq, shumë herë, ata që
na këshillojnë, por edhe mënyra se si ata zgjedhin të përcojnë mesazhet e tyre
motivuese, mund të shkaktojë të kundërtën
e asaj që ne dëshirojmë. Unë, së bashku me ju që po lexoni këtë artikull besoj se
e kemi gjetur veten disa herë në ndonjërën prej dy situatave të mëposhtme.
Situata e parë lidhet me ndodhi të këndshme që mund të na ndodhin
në jetën tonë, si për shembull, promovimi në punë, që sjell mandej më shumë përfitime
financiare, të cilat nga ana tjetër përkthehen në një nivel më të lartë jetese,
pra në një jetë të ndryshuar. Apo një marrëdhënie e re e krijuar a rënia në
dashuri e cila po ashtu na ndryshon jetën tonë të përditshme. Kur njerëzit përjetojnë
përvoja të tilla, ata ndryshojnë për mirë dhe nuk është e mundur që gjërat të qëndrojnë
ashtu sic ishin, kështu që ata bëjnë hapa para dhe përparojnë për shkak të
ndryshimit. Dhe kjo është ajo që na ndodh të gjithëve, apo jo?
Situata e dytë është se në vend të ngjarjeve të këndshme,
personi përjeton ato jo të këndshme. Jeta e tij është plot sfida, stres,
probleme, e vështirë dhe shpeshherë e dhimbshme. Personi dëshiron të largohet
nga dhimbja që po përjeton dhe për këtë arsye do të ndryshojë dicka. Ai është
thellë i zhytur në problemet e vështirësitë për të ndyshuar të ardhmen dhe jetën
e tij, e në njëfarë mënyre, ndryshimi është i pashmangshëm. Dhe sigurisht, që të
gjithë ne i kemi përjetuar këto situata pa asnjë dyshim e përjashtim.
Shpeshherë, e jetojmë jetën tonë në mes këtyre ngjarjeve
pozitive e negative. Është e rëndësishme të vazhdojmë të kujtojmë që në jetë
nuk bëjmë ndryshime të vetëdijshme, thjeshtë jetojmë jetën tonë në
autopilot mode. Me fjalë të tjera jeta thjeshtë ndodh...fatkeqësisht. Them fatkeqësisht,
pasi ne të gjithë jemi fatkeq. Fati ynë i keq do të thote që të jemi të hutuar,
të pasigurt, duke luftuar me demonët, zërat tanë të brendshëm dhe paaftësitë
tona. Është shumë e vështirë për të qëndruar psikologjikisht të shëndetshëm në
këtë botë dhe këtë betejë të vazhdueshme, jo të gjithë e fitojnë.
Nuk ka rëndësi! Ne të gjithë fitojmë më shumë besim, jo duke
besuar se jemi të suksesshëm e fitimtar të mahnitshëm, por duke besuar se
kemi shumë cështje e probleme, e duke kuptuar se po në të njëjtën situatë
ndodhen edhe të tjerët. Për një fillim të ri, duhet të pranojmë se problemet
nuk shkaktohen nga faktorë të jashtëm, sepse le ta pranojmë, është më e lehtë
të fajësojmë dhe të gjejmë mënyra për të shpëtuar dhe nga vetë vetja jonë
Shikoni brenda vetes e ndihmojeni atë! Jini të mirë me
veten dhe me të vërtetat tuaja. Zbuloni se kush jeni dhe cfarë doni të arrini!
Të githë kemi një gjykatës të brendshëm që pëlqen të nxjerrë në pah
gabimet e dobësitë tona. Jini mjaftueshëm të mirë, jini unik, jini vetvetja!
Kjo është ajo që na duhet të gjithëve: vetja jonë e vërtetë, ajo autentike. Dhe
mos harroni që nuk keni për ta gjetur atë përmes teorive e recetave të të tjerëve.
Do e gjeni vetëm përmes punës së brendshme. Një kërkim për fuqinë që fshehim të
gjithë brenda vetes, të cilën shpesh e injorojmë, nuk e vlerësojmë sa duhet ose
nuk e besojmë dhe së fundmi nuk e lëmë të lirë të dalë e të shkelqejë. Mos
harroni kërkimi nuk është atje. Ai është brenda nesh.
Me teknikat dhe praktikat e NLP TimeLine Therapy dhe hipnozë
në NLP Albania ju mund të udhëtoni më lehtë brenda vetes duke u cliruar
nga besimet kufizuese e emocionet negative. Le të tregojmë mirëkuptim dhe
dhembshuri ndaj vetes.
Ndërsa shkruaj këtë artikull une bëj vazhdimisht më të mirën që
mundem për të njohur veten time, ashtu si edhe ju. Unë e dua udhëtimin
tim, madje edhe atë të mendjes e të shpirtit tim. Kjo është ajo që
ju duhet të doni: udhëtimin tuaj. Të njihni veten dhe sic thotë edhe profesor
Daut Demaku: “Njihe veten, por mbi të gjitha duaje atë e ji unik”
NLP Albania
The art of change
Comments
Post a Comment