Nën kurthin e skenarit tonë...
Alex Duwe, në përrallën “Kush e pa pyllin e vërtetë”, na përshkruan udhëtimin
e miushes së vogël Loreta, së bashku me vëllezërit e saj, në pyll. Në këtë udhëtim ajo takon një merimangë të madhe,
e cila ishte varur në degën e një pemë. Pasi u futën të dyja në bisedë, Loreta e
pyeti:
- Si ndihesh e varur kokëposhtë
?
- E varur kokëposhtë?
- i përgjigjet merimanga duke e parë me dyshim se me kë po fliste Loreta .
- Po, ti je e varur me kokën poshtë,
- iu përgjigj duke qeshur Loreta, duke menduar se merimanga po bënte shaka me të
.
- Unë jo, - i thotë merimanga, - ti je duke ecur mbi tavanin
tim.
- Por kjo është një gjë që
duket, - iu përgjigj Loreta, plotësisht e sigurt, -ti je në të kundërt edhe
me mua, edhe me pemën, edhe me gjithcka.
-Mendoj se atë që ti sheh kokëposhtë, unë e shoh normal, - këmbëngulte merimanga.
Ne njohim, mbështetim , mendojmë, sillemi, interpretojmë dhe i japim
kuptim asaj çfarë ndodh rreth nesh duke u bazuar në atë që ne i japim më shumë fokus dhe përkushtim. Brenda secilit prej nesh ka shumë potencial dhe
aftësi të cilat nevojiten në zgjidhjen e situatave të ndryshme, por mënyra jonë
e të vepruarit ndikohet nga çfarë kemi mësuar dhe kemi kultivuar gjatë rritjes.
Çfarë shpreh secili nga ne,
mënyra se si mendon dhe sillet është një pasqyrim me të cilën sheh botën e tij dhe
çdo gjë që e rrethon. Çdo njeri ndërton një realitet
të vetin duke u bazuar në perceptimet e
tij, e si rrjedhojë ai modifikon sjelljet personale
në përgjigje të këtij realiteti. Secili nga ne ndërton realitetin
dhe percepton botën në mënyrë individuale dhe rrjedhimisht prodhohet
një shkallë e lartë diversiteti mes njerëzve. Ky diversitet është sfida
më e madhe që duhet të kuptojmë.
Jam kureshtare se si njerëzit
kanë këtë lloj bindjeje, e cila nuk i lejon ata të kenë një mënyrë tjetër veprimi
dhe e vërteta është se unë jam kureshtare për ta. A janë edhe ata kureshtarë për mua?
Gjithsecili vepron me besim
dhe sjellje të ndryshme nga tonat, pasi secili
nga ne ka një model të ndryshëm bindjesh e vlerash. Është normale që hasim rezistencë, hezitojmë dhe kundërshtojmë
ide, sjellje apo veprime sepse na duken të
huaja.
Le të ndalemi pak këtu, le
të bëhemi pak më shumë mendjehapur…Le
t’i shohim, përpara se ne t'i largojmë këta njerëz,
le të provojmë diçka të re, të shohim se çfarë na mësojnë këto DIJE, për të cilat nuk kemi patur njohuri më
parë. Le të guxojmë për diçka ndryshe nga ajo që kemi ditur deri tani,
pasi si thotë dhe Albert Ajshtajn:
“Çmenduri është të bëjmë gjithmonë të njëjtat
gjëra dhe të presim rezultate të ndryshme.”
Së fundmi një nga parimet
e rëndësishme të NLP na vë në pah dhe një herë se: Nuk
ka asnjë njeri që të mos këtë brenda tij
fuqinë dhe mjetet për të pasur gjërat që dëshiron në jetë. Ka vetëm situata të pashfrytëzuara
siç duhen.
Shumë herë, ne biem në kurthin
e skenarit tonë, duke e besuar këtë skenar, por të jeni të sigurt, të gjithë jemi
më shumë nga ajo që kemi ngritur në mendjen tonë dhe mbi të gjitha, nga ajo që ne
besojmë. Na pëlqen ajo që njohim, por mësojmë nga ndryshimi.
Guxoni të ndryshoni!
Fuqia më e madhe jeni JU.
NLP ALBANIA
Comments
Post a Comment